مری میں شدید برف باری سیاحوں کو مشکلات کا سامنا 21 ہلاکتیں
مری میں سے عوام اور سیاحوں کو شدید مشکلات کا سامنا کرنا پڑ رہا ہے نظام زندگی درہم برہم ہو کر رہ گیا ہے انٹرنیٹ سروسز موبائل سروس اور بجلی کی سپلائی معطل ہے۔گزشتہ 24 گھنٹوں کے دوران مری میں شدید برفباری ہوئی جس سے برف باری کا دس سالہ ریکارڈ ٹوٹ گیا ہزاروں گاڑیاں برف میں پھنسی ہوئی ہیں۔ اطلاعات کے مطابق ابھی تک اکیس ہلاکتیں رپورٹ ہوئی ہیں۔ جس میں ایک ہی خاندان کے 7 افراد بھی شامل ہیں۔
وفاقی حکومت اور پنجاب حکومت کی جانب سے ریسکیو آپریشن شروع کیا گیا ہے وفاقی وزیرداخلہ شیخ رشید خود مانیٹرنگ کرنے مری پہنچ گئے۔اب تک کی اطلاعات کے مطابق شیخ رشید نے کہا ہے کہ سات سو سے زائد گاڑیاں نکال لی گئی ہیں اور تقریبا دو سو گاڑیاں پھنسی ہوئی ہیں جنہیں جلد نکال لیا جائے گا۔ مری سے اسلام آباد کی طرف کو بحال کر دیا گیا ہے۔ مری میں سیاحوں کا داخلہ کل رات 9 بجے تک بند کردیا گیا ہے بند کردیا گیا ہے۔ دوسری جانب مائیکرو بلاگنگ ویب سائٹ ٹوئٹر پر مری ٹرینڈ کر رہا ہے۔ عوام کی جانب سے مری میں پیش آنے والی مشکلات کے دل دہلا دینے والے مناظر شیئر کیے جا رہے ہیں۔
ایکسپریس نیوز کے مطابق مری میں فوج طلب کرلی گئی ہےاور مری کو آفت زدہ قرار دے کر ایمرجنسی نافذ کر دی گئی ہے اور ہلاکتوں میں اضافے کا خدشہ ہے۔
![Murree-Tranding-on-Twitter](https://thepronews.com/wp-content/uploads/2022/01/Murree-Tranding-on-Twitter-697x1024.jpeg)
پاک فوج کی جانب سے بھی ریسکیو آپریشن شروع کردیا گیا ہے جس سے سیاحوں کو محفوظ مقامات پر منتقل کیا جا رہا ہے۔ ابھی بھی سینکڑوں گاڑیاں برف میں پھنسی ہوئی ہے اس کو نکالنے کیلئے پاک فوج آپریشن کر رہی ہے
Relief camps set up at different points including Jhika Gali and Gharial for tourists stranded in #Murree. Drivers advised to get to the points, get help and not stay in cars. pic.twitter.com/53d5Tllrfu
— Sana Jamal (@Sana_Jamal) January 8, 2022